د ملي امنیت سلاکار د امریکا له شارژدافیر سره وکتل

د افغانستان اسلامي جمهوري دولت د ملي امنیت سلاکار ډاکټر حمدالله محب نن په کابل کې د امریکا سفارت له مېشت شارژدافیر راس ویلسن سره وکتل.

په دې کتنه کې دواړو لوریو د سولې پروسې پر روانو هڅو او د ملي امنیتي او دفاعي سرتېریو په لیکو کې د اصلاحاتو په راوستو خبرې وکړې.

دغه راز په دې ناسته کې د امنیتي وضعیت په تړاو پر ګډو هڅو او یو شمېر نورو دوه اړخیزو مسایلو هم نظرونه سره تبادله شول.